Justin Bieber dhe Hailey Baldwin Bieber janë në pritje të fëmijës së tyre të parë së bashku!

Justin Bieber dhe Hailey Baldwin Bieber janë në pritje të fëmijës së tyre të parë së bashku!! Çifti e bëri të ditur lajmin në Instagramin e Hailey ditën e sotme, duke shpërndarë një video të ëmbël si dhe foto nga një sesion fotografik profesional që shfaq atë që duket të jetë një rinovim betimi mes dyshes.

Hailey dhe Justin kanë qenë shumë të hapur për dëshirën për të pasur fëmijë. Hailey foli për krijimin e një familjeje në vitin 2021. “Ne gjithmonë e dinim se ishim në linjë me atë që dëshironim në të ardhmen tonë”, tha ajo për ELLE, “Ne kishim biseduar për dëshirën për t’u martuar të rinj dhe për të pasur një familje të re dhe për të ndërtuar një jetë. Edhe para se ta dinim se donim të ishim me njëri-tjetrin.”

Në njoftimin e Hailey-t në Instagram, ajo dhe Justin shihen duke u puthur mes asaj që duket si një rinovim betimi, me Hailey-n me një fustan të bardhë që i ngjan fustanit të saj të nusërisë. Videoja dhe fotot pasuese tregojnë Hailey-n me barkun e rrumbullakosur dhe në mbishkrimin në Instagram, Hailey thjesht etiketoi Justin.