Një modele e njohur ka vdekur kur veshja e saj ngeci në trenin e shpejtësisë së lartë që po kalonte, gjatë një sesioni fotografish pranë binarëve të hekurudhës në Meksikë.
Cinthya Nayeli Higareda Bermejo, 30 vjeçe ishte udhëzuar të pozonte me trenin e shpejtësisë në sfond por veshja e saj ngeci në mjetin në lëvizje në aksidentin e tmerrshëm.
Modelja nga Venezuela ishte vendosur tepër pranë binarëve dhe humbi jetën në vend.
Shërbimet e emergjencës erdhën shpejt në vendngjarje, në Zacoalco de Torres pranë Guadalajara në perëndim të Meksikës, por ata vetëm konfimuarn vdekjen e parakohshme të Bermejo.
Zyrtarët morën trupin e saj për të kryer autopsinë para se t’ia dorëzojnë familjes për varrimin.
Policia mblodhi dëshmi nga të pranishmit në kohën e aksidentit teksa prokurori Joaquín Méndez Ruiz tha: “Çdo gjë sinjalizon se ishte një aksident, viktima po merrte pjesë në një sesion fotografish me një fotograf dhe disa të tjerë, të cilët i kemi marrë në pyetje. Ajo i ishte afruar së tepërmi trenin në lëvizje, kapja e veshjeve i shkaktoi vdekjen.”
Hetimet mbi vdekjen e modeles nga Venezuela vijojnë