Policia në koordinim me Prokurorinë Themelore në Ferizaj janë duke e hetuar rastin e plagosjes që ndodhi mbrëmjen e 26 prillit në rrugën “Shan Gashi” në Ferizaj. Disa persona janë cak i hetimit, teksa i dyshuari që ishte në kërkim tashmë është dorëzuar në Polici, raporton Gazeta Sinjali.
Sinjali mëson se Arianit Duriqi, (31-vjeçar) është paraqitur në Polici dhe më pas është intervistuar lidhur me motivin dhe rrethanat e tjera të rastit.
I njëjti tashmë ndodhet nën masën e ndalimit policor, nën dyshimet se ka kryer veprën penale “Vrasje në tentativë” dhe pritet që brenda afatit ligjor, Prokuroria të ushtrojë edhe kërkesën për caktimin e masës së sigurisë.
Lidhur me këtë rast po hetohen edhe të dyshuarit Getuar Hajdari, Elvin Hyseni, dhe Shkëlqim Grainca.
Ndryshe, si pasojë e gjuajtjes me armë zjarri, dy persona kanë pësuar lëndime trupore.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.