Arbana Osmani u është përgjigjur më në fund të gjitha pyetjeve për të cilat publiku ka qenë shumë kurioz kohët e fundit.

Një nga pyetjet që ka shoqëruar më së shumti moderatoren nëpër rrjetet sociale, është arsyeja e largimit nga “Big Brother Vip”.

Arbana shoi kuriozitetin e publikut e ftuar në ”Zë me Mirën”, në një intervistë me Mira Kazhanin.

“Vazhdimisht kur e di se gjërat mes meje dhe njerëzve të mi të afërt, për tematika të caktuara, janë krejt të qarta, nuk e ndjej të nevojshme të jap shpjegime publike, në të gjitha sferat.

Kështu që nuk e ndjeva që unë në finalen e Big Brother duhet të thoja: Shiko se ky është edicioni im i fundit.

Se unë jam një nga hallkat e programit.

Njerëzit do ta ndjekin programin me ose pa mua, çrëndësi ka a do jem a sdo jem unë.

Nuk e ndjej se duhet t`i jap gjithë këto kredite vetes për ta glorifikuar këtë personazhin tim dhe pozicionin tim.

Shiko se unë po iki dhe po ju lë… Thashë, kur të fillojë Big Brother unë do bëj një urim nga zemra për ata të cilët do ta vazhdojnë programin edhe e mendova të mjaftueshme”- u përgjigj ajo.