Anita Haradinaj ka shprehur optimizmin e saj për paraqitjen e ekipit kombëtar të Shqipërisë në Kampionatin Evropian 2024.
Ajo ka thënë se është e entuziazmuar për performancën e ekipit, duke theksuar se ndeshja kundër Italisë ka qenë e veçantë për të.
Ekipi i Shqipërisë, sipas saj, po tregon potencial të madh në kampionat, duke sjellë emocione të mëdha për tifozët e tyre.
“Kam qenë shumë optimiste për Shqipërin, ndeshjen Shqipëri – Itali e kam parë prej Tiranës, parashikohej atje ishin se Italia do ta thyej në mes, edhe unë nuk e kam pranuar sepse mendoja se do të përfundonte 2:2. Kam qenë shumë optimiste sepse përzgjedhja e lojtarëve është shumë e mirë. Ata e kanë forcën energjinë dhe mendoj që Shqipëria do të jetë mirë, duke marrë parasysh që përballen me ekipe shumë të forta. Ndeshja kundër Kroacisë ka qenë e jashtëzakonshme. Nëse për hiç asnjë gjë Shqipëria këtë kampionat do të mbahet mend për golin më të shpejt. Edhe kjo për autgol dhe më pas gol,” ka thënë Haradinaj për EURO DUEL-in.