Mëngjesin e sotëm ishte e ftuar në “Wake Up” fituesja e “Big Brother VIP3”, Egla Ceno, e cila komentoi rrugëtimin e saj në shtëpinë më të famshme në Shqipëri.

Aktorja e njohur u shpreh në fillim të intervistës se ‘i duket sikur nuk ka qenë ajo që e ka bërë atë eksperiencë’. Ajo shton se i duket shumë e largët koha kur ka qenë brenda në shtëpinë e BBV3.

Ka ndonjë situatë që do doje të kishte qenë ndryshe?

Duke parë disa video, po shoh qasjen time nga jashtë. Aty luhej që ‘the motra, the nëna, the fëmija’. Për shembull edhe kur më është thënë ‘nëna jote ka lindur llum nga trupi’ unë kam heshtur dhe nuk e kam kapur si një gur për t’a luajtur. Aty luhej me fjalët edhe kur nuk ishte në konotacion të keq. Ndoshta duhet të kisha këmbëngulur më shumë që të sqaroja veten time deri në fund. Unë aty ose do aktivizoja skuthllëkun, ose ashpërsinë që zgjodha, ose grupin. Unë zgjodha që të rrija vetëm e të mos bëja viktimën.

The në një moment që ‘aktivizova ashpërsinë…’

Janë mekanizma që aktivizohen pa dashje

Thjesht për të kuptuar pak më shumë se çfarë ndodh aty brenda, pse aktivizohen të tilla…

Unë nuk jam psikologe por edhe në jetën e përditshme na ndodh që në momente të caktuara, në vende të caktuara, të sillemi në mënyrë të caktuar.

Ishte e nevojshme brenda asaj shtëpie të aktivizohej kjo formë?

Meqë më është aktivizuar, mesa duket ishte më shumë se e nevojshme. Unë nuk doja të dorëzohesha sidomos kur shihja që ditët kalonin dhe unë isha akoma aty. Kam dashur shumë të dal, në muajin e 2 ose të 3 unë kam dashur absolutisht ta katapultoja veten jashtë asaj shtëpie. Refuzoja të lodhesha më aq shumë.

Ka pasur situata apo persona që të kanë bezdisur?

Për mua tani është një vizë, një diagram, pa emra dhe pa fytyra. Por çdo gjë aty ka qenë ashtu siç e kam përcjellë.