Ori Nebijaj, e cila ishte bërë pjesë e panelit të opinistëve në Big Brother VIP Albania 3 për herë të parë këtë vit, së fundmi ka dhënë mendimin e saj lidhur me ngjarjet që kanë ndodhur në shtëpinë e famshme.

Në një prej komenteve të saj, ajo ka spikatur Rozën si banoren e cila ka tërhequr më së shumti vëmendjen e saj për shkak të ngarkesës emocionale që ka shfaqur.

Duke qenë e ftuar në një program televiziv, Ori u shpreh se ndiente empati për Rozën, duke e cilësuar si një ndër personazhet më të ndjeshëm në lojë.

Një nga reagimet më të forta ka ardhur nga Bledi Mane, i cili është shprehur pa dorashka në lidhje me përdorimin e termi “empati” nga Ori.

Në një postim të tij në Instagram, ai ka vënë në dyshim njohuritë e saj në kuptimin e kësaj fjale. Mane ka ironizuar deklaratën e Nebijajt duke përmendur një shprehje të përdorur nga Roza, e cila ka qenë në qendër të vëmendjes së fundmi pas një fitoreje të saj në lojë.

Postimi i Bledi Manes në Instagram ishte ky: “Në qoftë se Ori Nebiaj e di kuptimin e fjalës ’empati’ unë do i dal maunës para…”, duke aluduar se opinionistja nuk e ka kuptuar mirë thelbin e kësaj ndjenje.