Eduart Buçeza është 24-vjeçari i plagosur mbrëmjen e kaluar në Durrës.
I riu sapo kishte parkuar makinën në oborrin e shtëpisë në Shënavlash, kur kushëriri i tij, Ilir Buçeza e plagosi me armë zjarri.
Ashtu siç duket edhe në pamjet e mëposhtme, 33-vjeçari i afrohet qetësisht kushëririt të tij dhe e qëllon disa herë në këmbë. Pas kësaj ai largohet i qetë me makinën që kishte parkuar jashtë shtëpisë dhe arratiset.
Nga ana tjetër 24-vjeçari i plagosur ka shkuar vetë në spital për ndihmë mjekësore por ka refuzuar të japë detaje lidhur me shkaqet dhe vendin ku ishte plagosur.
Pas veprimeve hetimore të kryera, policia ka zbardhur itinerarin e lëvizjes së 24-vjeçarit dhe se mes tij e kushëririt të tij ka patur një debat për motive të dobëta.
Policia ka shpallur në kërkim 33-vjeçarin Ilir Buçeza.
