Luli Luarasi humbi vajzën 21 vjeçe, Jaseminën me 17 prill të vitit 2020. Teksa vendi dhe e gjithë bota përballej me pandeminë e koronavirusit, vajza u sëmur nga një infeksion në veshë.

Nga izolimi dhe masat e marrë për parandalimin e përhapjes së virusit, Luli nuk arriti ta vizitonte vajzën për disa ditë me radhë duke bërë që gjendja e saj shëndetësore të agravonte. Gjatë kësaj kohe, komunikoi në telefon me doktoreshën e familjes në zonën ku jetonte në Laprakë, e cila i jepte mjekimet pa e kontrolluar pacienten.

‘Me 17 mars të vitit 2000 është sëmurë vajza dhe 17 prill vdiq. Marr përgjigjen e tamponit ishte negativ marr në telefon mjeken i them që është negativ me tha ma sill vajzën ta vizitoj. Vajzës i kishte shkuar infeksioni në mushkëri dhe në tru’ u shpreh Luli Luarasi, nëna Jaseminës.

Jasemina kishte lindur me mungesë të qiellzës së gojës, apo siç njihet në gjuhën mjekësore palatoksinë. Për këtë arsye ajo që fëmijë i ishte nënshtruar disa ndërhyrjeve kirurgjikale brenda dhe jashtë vendit të cilat i kishte përballuar me sukses.