Ndërkohë, ish-këshilltari i familjes mbretërore, Murat Basha duke folur mbi sulmin fizik ndaj Princ Lekës nga ish-bashkëshortja e tij Elia Zaharia dhe babai i saj, thotë se Princ Leka nuk do ushtronte kurrë dhunë.

“Jam i shokuar. E kam të vështirë, sidomos kur ka një femër. Më vjen keq për këtë që ka ndodh. Është diçka e parashikuar nga unë, këtu e 10 vite para. Di të them këtë, ai Princ Leka që njoh unë, e njoh që fëmijë. Është djali më i edukuar që mund të kem njohur në jetë, më gentelman karshi femrave, kurrë nuk besoj se arrin të konfrontohet fizikisht, nuk e përdor kurrë dhunën. Nuk besoj se ka ushtruar dhunë ndaj babit të Elias. Mund të jetë diçka tjetër. Ka vajtur të takojë vajzën”, tha ai.

Ai thekson se Princ Leka aktualisht jeton me qira dhe se pas përfundimtit të procesit të divorcit do vendoset në Pallatin Mbretëror. Ndërsa sa i takon Elia Zaharisë dhe vajzës, të cilat jetojën ende në Pallatin Mbreëtror, më pas do të vendosen në një shtëpi tjetër, që sipas Bashës u është dhuruar nga Princi.

Ai është në shtëpi të tij, ka lënë ish bashkëshorten të jetojë në shtëpinë e tij dhe jeton me qira derisa të mbarojë divorci, është djalë i jashtëzakonshëm. Ai është jetim, gjeti mbështetje te bashkëshortja dhe një familje. Ai jeton jashtë oborrit mbretëror, deri ditën kur të zgjidhet dhe ajo të sistemohet në një banesë tjetër, që ja ka dhënë ky bashkë me një biznes.