Qeveria e Kosovës po vazhdon të insistojë se pranimi i Kosovës në Këshillin e Evropës nuk duhet të ndërlidhet me themelimin e Asociacionit.

E refuzimi i qeverisë Kurti për të quar përpara themelimin e Asociacionit pritet të ndikojë në mospranimin e Kosovës në Këshillin e Evropës.

Janë disa shtete anëtare të këtij institucioni, duke përfshirë Francën e Gjermaninë të cilat e kanë kushtëzuar pranimin e Kosovës në KiE me dërgimin e draftit për Asociacionin në Gjykatën Kushtetuese.

Historiani Nuri Bexheti ka thënë se Kosova kurrë në ‘derexhe’ me të keqe nuk ka qenë sesa gjatë qeverisjes së Albin Kurtit, raporton gazeta10.

Ai e ka quajtur fatkeqësi që kryeministri Kuri ka kaq shumë fuqi politike në Kosovë.

‘Sepse ndonjëherë fuqia e madhe, pesha e madhe, fitorja e madhe ta ‘then qafën’’ ka thënë Bexheti në emisionin ‘Politiko’ në Kanal10.

Ai ka shkuar deri aty sa ka thënë se ‘e kemi duruar Serbinë do ta durojmë Kurtin edhe për një mandat’.