Egla ka shpërthyer në lot teksa ndodhej në oborr bashkë me Sarën dhe Bardhin, kur u tregoi për një debat që kishte pasur më herët me Rozën.
Egla u shpreh se Roza i ka thënë diçka të tmerrshme, lidhur me një koment që i kishte bërë për fëmijë.
“Ke fëmijë t’i Egla? Si mund t’i drejtohesh vajzave në atë gjuhë? Ke fëmijë ti”, i tha Roza Lati.
“Me kë gjuhë më? Çfarë të duhet ty, se çfarë kam unë jashtë, o budallaqe femër”, iu kthye Egla Ceno.
“Unë budallaqe femër, imagjino çfarë je ti”, shtoi Roza. Ndërsa Egla Ceno vazhdoi: “O intrigante, o kokëboshe, o kokëqype”.
Ndërkohë, ditën e sotme gjatë një diskutimi me banorët e tjerë, aktorja tregoi se ishte prekur nga fjalët e aktores dhe shpërtheu në lot.
“Roza më tha diçka të tmerrshme që më lëndoi shumë. Është shumë plehrë, e paftë Zoti. Ku e di ajo se sa jam përpjekur unë të kem fëmijë”, tha ajo, teksa qante.