Vdekja e mistershme e 23-vjeçares ukrainase në autostradën “Arber Xhaferi”, nëna e saj ka një kërkesë për shtetin e Kosovës

Mbrëmjen e 21 shkurtit Policia e Kosovës, gjatë patrullimit në autostradën “Arber Xhaferi”, kishte vërejtur një person të shtrirë në rrugë (shiritin emergjent), më pas ishte njoftuar emergjenca – pas verifikimit mjeku kujdestar kishte konfirmuar se personi femër, shtetase e huaj është pa shenja jete.

Në vendin e ngjarjes ishte thirrur edhe njësiti relevant për trajtimin e rastit, përfshirë edhe prokurorin kompetent, i cili ka urdhëruar që trupi i pajetë të dërgohet për obduksion në Institutin Mjeko –Ligjor në Prishtinë.

Viktima, ishte identifikuar si shtetase ukrainase 23-vjeçare, me emrin Olena Kozij, vdekja e së cilës ende nuk ka marrë epilog.


Olena Kozij

E për këtë, është e shqetësuar nëna e viktimës, Natasha Kozij. Ajo ka dërguar një letër në redaksinë e Telegrafit, në të cilën shpreh brengën e saj për mënyrën se si ka vdekur e bija.

Natasha thotë se ka kontaktuar me institucionet relevante të drejtësisë në Kosovë, për të zbardhur të vërtetën për vajzën e saj.

Ajo tregon se rreth orës 18:15, e bija kishte ndaluar në një pikë karburanti, dhe kishte biseduar në telefon me të bijën.

“Në dritën e rrethanave të vdekjes së parakohshme të vajzës sime, iu kam drejtuar prokurorisë dhe kam kërkuar me ngulm verifikimin dhe shqyrtimin e pamjeve të vëzhgimit si nga rezidenca e Olenës, ashtu edhe nga pika e karburantit që ajo vizitoi më 21 shkurt 2024, në orën 18:15, jam përballur me shpërfillje”, shprehet nëna e Olenës.

Sipas nënës së viktimës, Olena posedonte dy telefona; megjithatë, vetëm një është gjetur në vendin e ngjarjes nga njësitet policore.

“Telefoni me të cilin kam komunikuar me të është zhdukur në mënyrë misterioze. Kjo ngre dyshime se provat jetike që kanë të bëjnë me kontaktet e saj të fundit mund të jenë fshehur qëllimisht”, shprehet më tutje.

Olena Kozij

Natasha thekson se më 20 dhe 21 shkurt, Olena ishte në shoqërinë e një personi, identiteti i të cilit thotë se mbetet i panjohur për të.

Ndërkaq, herën e fundit që kishte folur, pak orë para se të gjendej e vdekur, Natasha thotë se e bija e saj ishte në humor të mirë, e qeshur.

Madje shton se i kishte thënë se posa të arrijë në vendbanimin ku jetonte, do të t’i telefononte.

“Herën e fundit që fola me Olenën më 21 shkurt në orën 18:15, ajo ishte në humor të mirë dhe më siguroi për mirëqenien e saj. Ne u dakorduam që ajo të më kontaktonte kur të kthehej në shtëpi. Megjithatë, duket se ky individ e ka braktisur atë në vendin e krimit dhe është arratisur me telefonin e saj, me sa duket për të fshehur provat inkriminuese të lidhjes së tyre”, thuhet në letrën e Natashës.

Pas gjithë këtyre informacioneve, nëna e viktimës pretendon se prokuroria po e neglizhon rastin, dhe nuk po merr parasysh asgjë nga kërkesa e saj.

“Me gjithë apelimet e mia të vazhdueshme, prokuroria ka dështuar të marrë masa vendimtare. Unë dua që të gjendet autori dhe të sillet para drejtësisë”, thuhet në letrën e nënës së viktimës./Telegrafi/

Related Posts

Santiana e tepron me fotoshop, ndjekësit ia nxjerrin në pah dallimin

Ish banorja e ‘Big Brother VIP Kosova’ Santiana Maloku është mjaftë aktive në mediat sociale. Teksa ajo ka ripostuar një video të saj në ‘Instagram’ ndjekësit kanë…

U tha se ishte shtatëzanë, Adelina Tahiri publikon barkun në këtë gjendje

Këngëtarja shqiptare nga Maqedonia e Veriut, Adelina Tahiri ditët e fundit u aludua se ishte shtatëzanë, kjo bazuar në fotografitë që postonte. Ajo nuk dha asnjë koment…

Kejvina shkon në Dubai dhe ‘tranon’ djemtë me fotot në bikine

Kejvina ka nisur pushimet në Dubai dhe nuk ka hezituar të ndajë momentet e saj me ndjekësit në rrjetet sociale. Në një postim të fundit, ajo shfaqet…

Reagimi epik i Xhensilës kur fansat i përmenden ish-partnerin në koncert

Xhensila Myrtezaj dhe Bes Kallaku kanë qenë kryetemë në vëmendjen e shtypit rozë për shkak të spekulimeve për divorcin e tyre. Deri më tani nuk ka pasur…

Diola Dosti nga pushimet me Erolld Belegun u dërgon selam këtyre personave

Diola Dosti ka nisur pushimet në një nga ishujt më luksoz në Bali. Nga Bali sot postoi disa imazhe, por vëmendje mori “selami i dërguar”, përmes fotografive….

Adelina nuk përmbahet në Dubai, gati zbulon më shumë se ç’duhet në bikine

Adelina Tahiri, një prej këngëtareve më të komentuara në shtypin rozë, ka filluar pushimet e saj në Dubai, bashkë me bashkëshortin dhe djalin e tyre. Që prej…

Leave a Reply

Your email address will not be published. Required fields are marked *