Një aksident i rëndë ka ndodhur në Greqi. Një 20-vjeçare shqiptare së bashkie me një 68-vjeçare teksa ishin në pritje të autobusit në stacionin Patridas Veria, u përplasën për vdekje nga një makinë e cila po ecte në drejtim të kundërt dhe humbi kontrollin.

Si pasojë e përplasjes ka gjetur vdekjen e menjëhershme 68-vjeçarja, e cila nga përplasja u hodh rreth 25 metra larg, ndërsa 20-vjeçarja u dërgua në spital, por su mbijetoi plagëve.

Shokët e 20-vjeçares shqiptare thanë se ajo ishte studente infermierie dhe po shkonte të vizitonte tezen në spital.

“Ajo kishte ardhur nga Giannica në fshat për të parë tezen e saj që do të operohej. Ajo po priste në stacionin e autobusit për të marrë autobusin për të shkuar në spital”, thanë shokët e saj të klasës në TEI. 20-vjeçarja studionte për infermieri.

“Ajo ishte vajza shumë e mirë”,-shtuan ata.

Sa i takon 68-vjeçares dëshmitarët thanë:

‘Ne po kërkonim zonjën për të gjetur se ku ishte, ajo ishte hedhur 25 m larg. Kishte kaluar kangjellat.’- tha një dëshmitar.

‘Menduam se kishte tërmet’, tha një banor i një shtëpie në atë zonë. “Ai theu betonin dhe e hodhi gruan tutje”, shtoi ai.

‘E keqja është se të gjithë ecin në fshat me 100km/h”, tha një tjetër banor.

‘Ne zbritëm dhe pamë se çfarë ndodhi. Kishte një zhurmë të madhe, u ndie si tërmet? Nuk ka fjalë, çfarë të them. Humbëm një nga fqinjët tanë më të rinj. Pashë makinën në oborrin tim dhe gruaja u hodh 25 metra. Nuk e pashë fare vajzën. Të dy prisnin të shkonin në Veri. Shoferi tha se kishte marramendje’, tha një banor, duke përshkruar pamjet tronditëse që ka parë.