Shpërndarja e një fotoje intime në TikTok u bë shkak i vetëvrasjes së 27-vjeçares Sibela Abedini. Nëna e një vajze u hodh nga tarraca e katit të katërt të pallatit ku banonte me qira në Kamëz. Pas ngjarjes e ëma e Sibelës kërkoi të zbardhet e vërteta për ngjarjen pasi vajza e saj nuk e bënte kurrë një gjë të tillë pasi 27-vjeçarja nuk shkonte nëpër hotele.
Ndërkohë babai i Sibelës thotë se fajtore është mamaja e Sibelës, që e ka çuar deri në këtë situatë, pasi ajo ka pasur komunikim me Altin Çokun. Ai tha se gruaja e tij duhet të merret në pyetje për të treguar si Altin Çoku u njoh me vajzën e tij.
“Sibela nuk kishte shqetësim, me mua ka folur në mënyrë normale. I kam thënë që për një javë do të marr në Itali. Vajza ka qenë tek bashkëshorti në Kosovë. E ëma është imorale. Ta them me pastërti. Unë mendoj që nëna e Sibelës ka pasur lidhje me Çokun. Ai person ka përfituar nga kjo gjë dhe i ka bërë shantazhe vajzës. Kam dyshime tek gruaja ime, ajo të merret në pyetje, sesi Altin Çoku hyri në familjen time. Kam bërë 3 herë kërkesë për divorc dhe asnjëherë nuk jam thirrur për të bërë divorcin. Në Itali ka 5 vite që jam këtu. Sibela më ka thënë se ka shkuar në Kamëz, pasi burri i saj në Kosovë, kishte gjetur tjetër bashkëshorte. Mua bashkëshortja më ka futur 7 vite burg, sepse zonja më ka akuzuar për shfrytëzim”, tha babai i Sibela Abedinit, vajzës së vetëvrarë në Kamëz pas shantazhit me video intime, të bërë nga Altin Çoku.