Moderatorja e njohur, Liberta Spahiu, ka qenë në qendër të vëmendjes së mediave dhe fansave për një kohë të gjatë, sidomos kur bëhet fjalë për jetën e saj personale.

Përfoljet rreth një lidhjeje të mundshme me artistin e njohur Flori Mumajesin nuk kanë munguar, dhe tashmë duket se një detaj intrigues ka nxitur më shumë kureshtje në rrjetet sociale.

Edhe pse as Liberta, as Flori nuk kanë bërë deklarata zyrtare për marrëdhënien e tyre, imazhet e publikuara nga burime të ndryshme kanë ngjallur dyshime dhe spekulime.

Çifti shpesh është fotografuar në të njëjtat vende dhe duket se ndajnë momente të veçanta që flasin për një lidhje më të thellë.

Gjatë një bisede virtuale me ndjekësit e saj në një platformë sociale, Liberta u përball me një pyetje të drejtpërdrejtë nga një ndjekës, e cila ka nxitur reagime të shumta.

“Ku e ke Florin aman mi gocë?” ishte pyetja që shkaktoi një reagim të menjëhershëm nga moderatorja.

Ajo, e cila duket se ishte në humor, ia ktheu me një përgjigje intrigante: “Këtu, por refuzon të dalë, nuk ka interes,” ndërsa shihte në drejtim të dikujt, që la hapur mundësinë për interpretime të ndryshme.

Ky moment ka ndezur spekulimet rreth marrëdhënies së tyre, duke i bërë fansat të pyesin nëse në të vërtetë ka diçka më shumë sesa miqësi mes tyre.