Deputeti i Partisë Demokratike të Kosovës Ardian Kastrati, ka reaguar pas statistikave se Kosovës është shteti i dytë më i varfër në Evropë.

Kastrati, me një postim në llogarinë e tij në “Facebook” ka shkruar se qyetarët mbesin peng të premtimeve të pa realizuara e me xhepat bosh.

Ai shkroi se qyetarët po jetojnë në mes të varfërisë e Kurti po lavdon për notin në Ujman e urën në Mitrovicë.

“TË NDERUAR BESIMTARË TË KURTIT – A HAHET ALBIN KURTI? Sipas ” The World of Statistics” Kosova është vendi më i varfër në Evropë pas Ukrainës (e cila është në luftë)Qytetarët me xhepin bosh mbesin peng të premtimeve të paplotësuara të Kurtit. Ata janë peng të valëve retorike të Kurtit për notin në Ujman e të cilat ai i ngrit mbi ëndrrat e tyre të zbehura. Qytetarët jetojnë në mes të thatësirës së varfërisë, ndërsa Kurti shpalos fjalime të mëdha e lavde për notin në Ujman e urën në Mitrovicë. Në Kosovën e zhytur më varfëri valvitet flamuri populist i Kurtit i ngritur në rrënojat e ëndrrave e zemrave të thyera të rinisë kosovare. Siç do të thoshte Francis Fukuyama: “Kur retorikat e tepruara shpërfillin nevojat ekonomike të popullit, ajo që mbetet është një komb i ndarë mes premtimeve të zbrazëta dhe realitetit të hidhur.” Rrasne Albin Kurtin si biftek!”