VLORË- Peshkatarët kanë gjetur një trup të pajetë në afërsi të Kepit të Gjuzës në Karaburun ditën e sotme. Mësohet se pasi u gjet kufoma, peshkatarët njoftuan menjëherë policinë.
Trupi i pajetë me praninë e autoriteteve është dërguar në morgun e Vlorës. Rrethanat e ngjarjes dhe identiteti i viktimës janë ende të paqarta.
‘Sot, rreth orës 16:00, në vendin e quajtur “Kepi i Gjuhëzës”, eikuipazhi i një anije peshkimi, ka konstatuar në det, një trup të pajetë, dyshohet i seksit mashkull dhe ka lajmëruar shërbimet e Policisë Kufitare të cilat menjëherë kanë shkuar në vendgjarje.
Trupi i pajetë do të transportohet në morgun e spitalit, për ekspertizë mjeko-ligjore, deri tani nga këqyrja paraprake nuk janë konstatuar shenja dhune.
Grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Vlorë, vijon punën për identifikimin e shtetasit/es, si dhe zbardhjen dhe dokumentimin e plotë të këtij rasti’, informon policia.
