“Sunny Hill Festival” nisi ditën e enjte, në një lokacion të ri për këtë vit, në Bërnicë afër Prishtinës.

Ky festival i madh që solli edhe këtë vit artistë të njohur botërisht u mbajt nga data 25 korrik deri më 28 korrik.

Një prej themelueseve të tij, këngëtarja e mirënjohur Dua Lipa, pak momente më herët, duke qenë se festivalit i erdhi fundi, ka bërë një reagim në rrjete sociale teksa ka dedikuar disa fjalë zemre për pjesëmarrësit dhe pos tjerash edhe për artistët që kanë performuar.

“Kam aq shumë për të postuar nga këto 4 ditët e fundit në @sunnyhillfestival sa nuk di as nga t’ia filloj!! Unë kam mbetur me një ndjenjë kaq të madhe krenarie pas kësaj fundjave të gjatë. Nuk mund të zbres nga gjithë emocionet!!! Nuk mund të shpreh sa duhet gëzimin e pastër që është të dëshmosh që ky festival të bëhet ai që ka bërë gjatë 5 viteve të fundit. Duke e parë atë të rritet dhe të bëhet diçka më shumë nga sa mund të kishim ëndërruar ndonjëherë”, shkroi ajo.

“Për më tepër është ta bëj këtë me të gjithë familjen time dhe të gjithë në @republikaagency, të shikosh të gjithë duke punuar kaq palodhur gjatë gjithë kohës ka qenë gjëja më emocionuese/e bukur/frymëzuese/energjizuese/stresuese (nganjëherë), por gjëja më shpërblyese për të cilën jam shumë krenare. Faleminderit të gjithëve që erdhët për t’u bashkuar me ne, të gjithë artistët dhe ekipet e tyre. Ne jemi shumë mirënjohës”, shtoi ajo.

Dua e mbylli postimin në shqip duke shkruar “Ju dua shumë”, bashkëngjitur flamurët e Kosovës e Shqipërisë.