Policia e Kosovës ka konfirmuar se ka ndaluar një person nën dyshimin se e kishte ndihmuar Faton Hajrizin të arratisej nga burgu i Smrekonicës, shkruan Gazeta Insajderi.

Ndaj të dyshuarit me urdhër të prokurorit i është masa e ndalimit prej 48 orësh.

“Policia e Kosovës, Drejtoria për Hetimin e Krimit të Organizuar dhe Krimeve të Rënda ka zhvilluar hetime në lidhje me arratisjen e ndodhur ditë më parë në Qendrën Korrektuese në Smrekonicë.

“Në vazhdën e veprimeve hetimore, sot me datë 20.07.2024 është ftuar për intervistim një person mashkull kosovar, për të cilin dyshohet se ka ndihmuar të dyshuarin pas arratisjes nga Qendra Korrektuese në Smrekonicë. Për të gjitha veprimet hetimore është konsultuar prokurori kompetent, me vendim të të cilit personi i dyshuar është ndaluar për 48 orë”, thuhet në përgjigjen e policisë.

Gazeta Insajderi raportoi se dy persona nga Skenderaj u ndaluan nën dyshimin se ndihmuan në arratisjen për herë të nëntë nga burgu.