Të premtën e javës së kaluar në policinë e Pejës është raportuar një rast i dhunimit. Viktima e moshës rreth 20 vjeçare E.B e ka raportuar të dashurin e saj për dhunë fizike dhe seksuale. I dyshuari është 23 vjeçari, D.B. Ndaj tij prokuroria në Pejë ka kërkuar të caktohet masë paraburgimi.
I dyshuari D. B dyshohet se e ka rrahur të dashurën e tij, me të cilën më pas kishte kryer edhe marrëdhënie seksuale pa dëshirën e saj.
Siç mëson Gazeta Insajderi viktima kishte përfunduar në QKMF në Klinë e për shkak të lëndimeve të rënda është dërguar me autoambulancë në Spitalin Rajonal të Pejës për tretman të mëtutjeshëm mjekësor.
Sipas viktimës i dyshuari e kishte rrahur fillimisht e më pas e kishte detyruar me dhunë që të kryej marrëdhënie seksuale. Derisa e kishin kryer aktin seksual i dyshuari kishte bërë video-incizim me telefonin që e kishte lënë pak përtej tyre.
“Më ka shkruar dhe më ka kërcënuar se duhet me zbrit në fshatin… por filloi të më godet me boksa në fytyrë dhe pjesë të ndryshme të trupit.. dhe më ka detyruar të bëjë marrëdhënie seksuale me të..derisa bënte marrëdhënie me mua bënte video me telefonin e tij”, deklaron viktima.
Për rastin në fjalë janë intervistuar edhe familjarët e viktimës dhe të dyshuarit.
Ndaj të dyshuari prokuroria ka kërkuar që të caktohet masa e paraburgimit duke pas parasysh peshën e veprën penale.