E reja Martina M. nga Manastiri është vajza e cila ka humbur jetën në aksidentin e trafikut që ndodhi në autostradën Ignacia në drejtim të Selanikut.

Një fotografi të vajzës ka publikuar edhe grupi “Babam Bitola” në Facebook

Me të ishin edhe tri vajza të tjera të moshës 24 dhe 25 vjeçare, të gjitha nga Manastiri, që përfunduan në spital.

Sipas mediave në Greqi, mjeti drejtohej nga një vajzë 25-vjeçare dhe është përplasur me një makinë që drejtohej nga një shtetas grek. Më pas një makinë tjetër ka përplasur dy mjetet, kurse shoferi i saj është plagosur.

Një aksident i ka ndodhur në Selanik mesditën e së premtes. Rreth orës 12, pak kilometra pas daljes së Niselio-s në drejtim të Selanikut janë përplasur dy automjete, me pasojë shumë të plagosur dhe fatkeqësisht një grua e vdekur.

Sipas mediave greke, një grua 29-vjeçare nga Shkupi ka vdekur, ndërsa të lënduarit janë dërguar në Spitalin e Verisë, një 27-vjeçare në gjendje të rëndë, e cila aktualisht ndodhet në operacion dhe një 25- jashtë rrezikut për jetën, një grua dhe një burrë 74 vjeç (drejtuesi i makinës së dytë), të cilët kanë marrë plagë të lehta.

Gjithashtu, një grua është intubuar nga ekipet e shpëtimit në vendin e aksidentit dhe është transferuar menjëherë në Spitalin e Selanikut, pasi gjendja e saj ishte shumë e rëndë.