Besar Nimani ka mbetur i vdekur të shtunën në mbrëmje në qytetin Bielefeld në Gjermani.
Boksieri nga Kosova ishte vrarë nga persona që tanimë ndodhen në arrati dhe policia gjermane është në ndjekje të tyre.
Autorët e krimit që besohet se ishin dy persona kanë shkrepur 16 pIumba në drejtim të tij, derisa gjashtë nga ta kanë përfunduar në trupin e boksierit nga Kosova.
Policia gjermane po vazhdon hetimet dhe është në ndjekje të autorëve të cilët fillimisht janë larguar me një skuter dhe pastaj një veturë e tipit BMW i ka pritur ku janë larguar në drejtim të panjohur.
Deri më tani kur kanë kaluar rreth 48 orë nga vrasja tragjike e boksierit shqiptar ende nuk ka asnjë të arrestuar edhe pse i dyshuar mbetet një irakian.
Kujtojmë që Nimani kishte mbetur i plagosur në vitin 2013 nga një shtetas turk me pasaportë gjermane i cili përveç boksierit shqiptar kishte plagosur edhe katër persona të tjerë.
